رياااان
ريان ياكل طفل يعاني بهالدني
فقر وشقى وتشريد بخيمة يحتمي
أمعاء خاوية والوحل غطا الجبين
شو صابكم يا ها لبشر كله عمي
والأم جف بضرعها كل الحليب
ورضيع يصرخ لامعين ولامجيب
وين الضمير وين الكرامة مغيبة
يكفي بذخ والطفل بوضعه المعيب
ابراج عالي يسكن جنابها الهوا
والطفل مرمي بخيمته من دون دوى
وين الضمير الغايب بصدر الجميع
اللي سرق واللي نهب عملوا سوا
كلهم عصابة قطعوا قلوب العباد
اللي فقر واللي تهجر من البلاد
ياويلكم لما الرب بينتقم
وتتحاسبوا بعافيتكم والاولاد
سوء الفكر اللي تسبب بالشقا
حرب وظلم وتشريد بكل منطقة
يكفي نفاق وخطب من اجل السلام
حق الطفولة تعيش حلمها محققة
انعام ابوسعيد
ليست هناك تعليقات:
إرسال تعليق