قصيدة بعنوان:
مش هاعتب عليك
بقلم :عفاف محمد عبد الصادق
انا مش هاعتب علي السنين اللي علمت ف ثنيات وشي
ولا اللي خان العشرة
وما صان عيشي وملحي
ولا اللي ف يوم حلف مايفارق وف أول فرصة قام يمشي
ولا هلوم اللي قالت صحبتي ومن ورايا كلت لحمي
ولا القلب اللي امنت له وفجأة باع ودي
مش هاعتب عليك يا زمن واقولك استغليت ضعفي
ولا هقول للأخوة ليه نسيت الدم ورحمك هو رحمي
واللي شالتك ف بطنها هي نفسها امي
انا مش هاعتب عليك انا هاهتب علي نفسي
اللي صدقت كلمة حب
وقالت دي بقية عمري
اللي ضحت بالغالي
علشان تكون جنبي
اللي عافرت معاك وف
الصخر نحت بكل طاقتي
انا هاعتب علي عقلي اللي
فكر تكون ف يوم سندي
هاعتب ع القلب اللي اطمن وقال نكمل يا رفاق دربي
ادي السنين علمت وخطت
خطوطها علي جبيني والقلب
شاب بدري
ليست هناك تعليقات:
إرسال تعليق