تايه----------؟
بقلم شاكر محمد المدهون
مش بس عنيك الوحشاني
كمان جمالك والرقة
رموشك دايما شغلاني
أسهر في الليل أحرسها
والجفن يسهر يحكي لي
أحلام النوم واليقظة
والعين لما بترمش
بيزيد القلب كم دقة
والشامة اللي على الخد
بتقولي خليك معايا لبكرة
والشفة لما تهمس
بيدوب القلب من الرقة
وعبير الكون بيخدني
لبحور الشوق وأمواجه
بتخلي الحلم ياخدني
لبعيد وبحس اني
من خوفي عليكي
كأني طير بيحوم حواليكي
يستنى تغريدة ضحكة
وبحس في نومي إني
ضيعت مني السكة
مش بس عنيكي الوحشاني
خوفي كمان لو أصحى
والقاي نفسي تايه
في بحور الشوق والعتمة
--------------------------------------
شاكر محمد المدهون
ليست هناك تعليقات:
إرسال تعليق