(عشقنا)
بقلمي الشاعر/محمد غبن
شاعر عاميه بلغة محكيه
23/2/2022
هوا ليه عشقنا مش فرحان زينا ومفرح الناس معانا
برغم إن حبنا من سنين وشاهد على كدا إحساسنا و جوانا
ولا الناس مش بتحب لينا الفرحه واللمه
برغم إن حبنا ظاهر وقدام الخلايق مش في الضلمه
ولا يمكن فراقنا يرضيهم
بس هيسيب في قلبنا الغمه
ياخلق ياهووه إحنا حبنا طاهر ومشروع
وإلا مكنتش باركته الخلايق العاقله والجموع
ليه شويه منكم بتعصر قلوبنا وتبكيها الدموع
ولا يمكن مستكترين علينا الفرحه والعيشه
هو إحنا مش زيكم ولا مخلوقين في الحياه طيشه
يعني ملناش لازمه ونسيب ليكم الحياه و الدنيا
ونروح نعيش في بلاد بعيده يكون فيها ناس تانيه
بتقدر الآدميه والحب وجرحه اللي مش سايب القلب ثانيه
قولوا أيه يرضيكم وإحنا هنوافق ونبصم بالعشره
بس يبقي حرام عليكم اما يموت حبنا وتموت معاه العشره
ياريت ترجعوا لضمايركم
وتعرفوا إن حقنا زيكم
عايشين في بلد واحد يعني اللي يصيب قلبنا يصيب قلبكم
ليست هناك تعليقات:
إرسال تعليق