●●●●●●● قلم ●●●●●●●
عجبي عليك يا قلم
شايل جراح الناس
كل الكلام بالآلم
مليان قوي وحساس
معقول ياعم القلم
وجعك ماليلنا الراس
سألت قلبي بعشم
شاورلي ع الأنفاس
وفلحظة صوتي إتكتم
علم عليا وداس
دا الفقر زاد والهم
وجراح ماليها أساس
ونفاق وغدر وزم
ولكل كلمة مقاس
من كتر فجر الظلم
عاش الشيطان وساس
حتى الفرح إتلم
بقى غالي زى الماس
والدنيا دايرة غم
محورها كله الناس
حكاويها قالها القلم
وكتبلي ١٠٠ كراس
●●●●●●●●●●●●
شادوليات
نحلق خارج السرب
شعر شاعر شعر مليان بالمشاعر
شاذلي محمد عبدالرحمن حسين
ليست هناك تعليقات:
إرسال تعليق