الشاعر : فهد المحمد الثاني
العلاقة الزوجية صدق
وانسجام و مصارحة
تدري شو يلي مكدر الخاطر
و كاسرني
تدري شو يلي منغص القلب
و روحي
تدري انت دون البشر
كنت اختياري
بفيق بضب واطبخ
ورتب نفسي
بتدخل بدون نفس
مغمض وتمشي
بتبدل ملابسك
ووجهك فوراً للفرشة
بتنام لنصل الليل ولما
بنام بتترك الغرفة
بالرغم اني لابسة ناعم
و معطره جسمي
العقل بروح ويجي
وبفكر ليش نافر مني
بيتي نضيف ومبخر
ومشمس ومهوي
واولادي متل الفل
وشاطرين بالدراسة
واهلي خفاف نضاف
كل سنه بجو لعندي
منحكي عموميات
ومستحيل سرك افشي
يا ابن الناس اتطلع واذا
عندك شي احكي
بتذكر من سنين ما
حكيت معي كلمة حلوة
بهادل وشتم ومحاسبات
وصريخ فاضي
من مال الله كلمة غزل
ذكرني اني حرمة
قلي يسلملي الشعرات
يسلملي العيون . رمشي
والله نسيت اني عند
عيون وكرهت مشطي
شو يلي بدلك ياسندي
وحبي وستري
ملكت الكون لما خطبوني
اهلك من اهلي
سهرت الليل وانا فرحانه
ومن الفرح ابكي
حط راسه بالارض
و باشر يحكي
بنت عمي وغالية علي
لكن متل اختي
انا حبيت بنت متل القمر
رح سري الك افشي
قلبي مشغول في بنت
على روس اصابعها تمشي
كلامها حلو ولذيذ وحديثها
للروح يشفي
في حب وفي تفاهم
وانسجام ولقيت نفسي
شرطها متل الفريك ما
تحب معها شريك
انت اديبة وحبابة لكن
باردة بالفرشة
وانا بصراحه رجال ومحتاج
نعنش نفسي
ضحكت وبكيت ونوبات
صرخ ونفس عن صدري
من بعد عشرين سنه زواج
بده ياني بنت خمسه
زوجي تعرف على بنت
بالفيس نغشة
يا ترى العيب في الطبخ
والنفخ ام في كرشي
فنيت العمر بخدمة الولاد
ونسيت نفسي
نصيحه لك زوجة في
زوجك اهتمي
ارضيه في الفراش وفي
الباب زوجك استقبلي
ووداع والدعاء و امدحي
فيه وانفشي
الرجال طفل و سلطان
بحب الدلال لا تهملي
الرجال متل الحليب عم
يغلي بدقيقة يفور ويرغي
ان حكا قعدي واعطيه
ادنك وان صرخ ابتسمي
الدنيا متل تشنج البطن
نعناع مع كمون تمشي
وماهو عيب دلال الرجال
حلالك وكتاب شرعي
الرجال ستر و غطا وامان
ورفيق درب وكل شي
مو مطبخ وترتيب بيت
.افردي وجهك و ابتسمي
الموضوع انسجام و مصارحة
وتفاهم وكلام رومنسي
كلام يسرالقلب وعتاب
خفيف هادي. الحياة تمشي
ليست هناك تعليقات:
إرسال تعليق