♥️♥️♥️♥️♥️ يلا يا حلوة طمنيني ♥️♥️♥️♥️♥️
لساكي قادرة توجعيني
كلميني
يا دنيا كان همك آنيني
بتدبحيني
كل اللي كان بينك وبيني
طول سنيني
بحور ألم
وانا الغريق وإنتي بمركب ماشية جنبي
بتضحكي
قال بتغيظيني
مش قادرة مرة تحضنيني
جربيني
ويا سيتي لو ضحكة تناديني
هابني حلمي جوه منك
ويكون جميلك . فوق جبيني
وتكون معايا فورشتي
وأرسم بإيدي دنيتي
بستان ومليان بالورود
مانا حلمي فاق كل الحدود
والبسمة والضحكة تعود
يلا يا حلوة طمنيني
نفسي أشوفك والأمل
باين في عيني
♥️♥️♥️♥️♥️♥️♥️♥️♥️♥️♥️♥️
أنا والدنيا كان بينا حكاوي كتير . بقولها وكل ما أتكلم
أقول مواويل
شادوليات
شعر غير كل الكلام
شاذلي محمد عبدالرحمن حسين
ليست هناك تعليقات:
إرسال تعليق