اشتر يا شر
اشتر ياشر
على الظالمين
ولادالايه المجرمين
من سنين من سنين
في بعض مش مرتاحين
ولنفسهم متربصين
واحنا على وداننا نايمين
وحالنا لايرضي ولايسر
اشتر يا شر
***
حلف النيتو بتاع امريكا
على روسيا وكوريا والصين
والمسكينه ياناس أوكرانيا
هيا اللي ضاعت في الرجلين
قالولها حربي احنامعاكي
والنيتو بسلاحه وراكي
ولما دخلت فيها روسيا
قالولها ربنا وياكي
وسابوها في النار غرقانه
بان على أصله الكل وفر
اشتر يا شر
***
النووي في ايد المجانين
رئيس أمريكا جو بايدين
والروسي فلاديمير بوتين
وكيم كونغ زعيم كوريا
وشي جين ينبغ رئيس الصين
استرها يارب العالمين
مين هيدوس للنووي الزر
اشتر يا شر
***
احنا ضعفا ومالناش حيله
في الحرب مش قد الليلة
طول عمرنا واحنا مسالمين
طول عمرنا واحنا غايبين
والدنيا بتعمل تحويله
صبحو قروش وحيتان قادرين
واحنا جداهم حبة شـِر
اشتر يا شر
***
احنا ف حما رب العالمين
هواحنا لينا غيره مين
قادر يدمر الظالمين
والفجار والمفسدين
والطغاه والمجرمين
ومن بينهم نخرج سالمين
داحنا ياناس مش قد النووي
داحنا يادوب بنسيح م الحر
اشتر يا شر
********
تحليل
شاعرالإحساس
رضاعبدالحميد
ليست هناك تعليقات:
إرسال تعليق