ياجروح روحي/محكي
خلّصت حبري وندمت ليش الزعل
ماكتبت لعيونك حرف أو للمقل
فكرت إني نسيت غمزات الرموش
اللي وصلوني بيوم لحدودك زُحل
فكرت اني ابعد ومالي نصيب
شوف الشفايف يضحكو وكلن خجل
والخيزرانه تشبهك لما التوى
خصرك عا ايدي وللقلب آهك وصل
كذَّبت حالي وقلت أوعا تغازلا
وكاس الهوى بالعشق بقلبي اكتمل
صبيت كاسه وقلت ما أحلى الغرام
لما بنص الليل نختمها بقُبَل
هيك المحبة تكون أو نترك سوا
درب العشق للريح ويصيبو الهبل
ياجروح روحي وما إلك عنا شغل
بدنا السعادة تحل نقبر ها الملل
صارت حياة الناس أرض بلازرع
وحقول كرمه ماشفت فيها سلل
وعنقود عمر الناس يبست دالتو
واصفرت الأيام والخيل نعقل
ميدان صرنا لا خيول ولا سبق
عطشت دموع الناس عا ليل انسدل
والصبح لما راح ودَّع ديرتو
ياحيف ياصبح الندي افقدنا البلل
محمد قاسم ابو ثائر 1/3/2022
ليست هناك تعليقات:
إرسال تعليق