----- قوم ياريس ----كلمات الشاعر احمد جابر سويلم
قوم ياريس احمى
شعبك من الديابه
ناس كتيرعايشين غلابه
شعب عانا من سنين
قوم وفرح الغلابه
كل يوم اسعار تزيد
كيل وطافح ف النفوس
ع الديابه قوم ودوس
شعب حبك يوم ماجيت
قلنا هتعدى السحابه
واخده وياها الكابه
كل تاجر ليه كابوس
ع الفقير داير يدوس
كل همه جمع الفلوس
الضمير ادوه اجازه
والحياه عنده لزازه
والفقير يصرخ ينادى
نفسى افرح مره يوم
نفسى يتحقق مرادى
قوم ياريس بابتسامه
للفقير تبقى علامه
وقت عوزك له يجيك
شعب حبك وارتضاك
يحمى ظهرك من عداك
قوم وطهر الفساد
دا وباء مالى البلاد
رغم عرفينك بتبنى
لجل ماتنول المراد
خلى نظره للفقير
بيها يقوى يكون سناد
راح تلاقى دعاه دا ليك
قلبه حبك وارتضاك
قوم ياريس احمى
شعبك من الديابه
.jpeg)
ليست هناك تعليقات:
إرسال تعليق