وصيّة أب لابنته// بقلم الشاعر : رجا نصر

 وصيّة أب لابنته

---------------

تعي تا خبّرك يا تقبريني -- قبل ما ينتهو بعمري سنيني

لمّا بتجبري خاطر أبوكي -- فيكي تاخذي عطفي وحنيني

وحتى تلبسي تاج الملوكي -- شو ما بقول تبقي طاوعيني

هيدي وصيتي وهيكي سلوكي -- لأني خلقت من أنبل عجينة

وأذا شي يوم عا فرحة دعوكي -- خلّي بسمتك حلوي ورزيني

وأذا شي يوم عا مأتم نعوكي -- كوني بطلّتك شمس وحزيني

وما برضى عا طريقك يسبقوكي -- بريدك لامعة بقربي ومريني

هون الكل بدهن يعرفوكي -- وفيكي عالمدا بعلّي جبيني

وعا فعل الخير لمّا بيندهوكي -- ما بدّي تبخلي كوني معيني

يا بنتي كتار بدهن يحسدوكي -- أذا توب الطهارة بتلبسيني

بيصيرو بعد الله بيعبدوكي -- وبقلب الكل فيكي توضعيني

ما بدّي متل سلعه يشتروكي -- كوني جوهره بقلب الخزيني

ولحتّى بالكرامة يلقّبوكي -- ضلّي بميزان الذوق زيني

واذا عالبيت طلّو يطلبوكي -- أمّك شاوري وفيي استعيني

وفي محبس خطبتك ما يحبسوكي -- ومهما قدّمو جواهر ثميني

يمكن بعد مدّة يكرهوكي -- أذا ما كانت العيلي متيني

وعندك ناس لولا آلهوكي بقلبن نيّة السودا اللعيني

أوعا تفكّري بباركوكي -- هيذي وصيّتي منّي اقبليها

وتبقي بعد موتي تذكّريني  ...  رجا نصر ...