الشاعر : د فهد المحمد الثاني
[انسجام وخشية الرحمان]
تدري شو يلي مكدر خاطري
و كااسرني
تدري شو يلي منغص الروح والقلب و عيشتي
تدري انت دون البشر
تربعت على عرش . قلبي
بفيق بضب وحضر واطبخ
ورتب الك. نفسي
بتدخل علينا بدون نفس
مغمض و ماشي
بتبدل الملابس ووجهك
فوراً الى الفرشة
بتنام لنصف الليل . ولما
اجيك . تترك وتمشي
بالرغم اني لابسة ناعم
و معطره بالروائح نفسي
العقل والفكر بروح ويجي. ليش نافر ياترى الرجال مني
بيتي نضيف مهفهف .
مبخر ومشمس ومهوي
والاولاد مرتبين متل الفل
وشاطرين بالبيت والمدرسة
واهلي خفاف نضاف
كل شهر . يزورو عندي
منحكي عموميات
ومستحيل سر الك افشي
يا ابن الناس اتطلع واذا
عندك شي . لا تصمت احكي
بتذكر من سنين ما حكيت معي كلمة . لي تشفي
بهادل وشتم ومحاسبات
وصريخ ما له داعي
من مال الله كلمة غزل
ذكرني اني انثى .والاذن طري
قلي يسلملي الشعر . تسلملي العيون . يسلم رمشي
والله نسيت اني عند
عيون وكرهت حتى مشطي
شو يلي بدلك يا سندي
وحبي وتاج راسي وستري
ملكت الكون لما خطبوني
اهلك من اهلي
سهرت الليل وانا فرحانه
ومن الفرح. اضحك وابكي
عيونه في الارض وتنهد
و باشر الي يحكي
بنت عمي وغالية علي
لكن انتي متل اختي
انا حبيت بنت متل القمر
رح. السر الك افشي
قلبي مشغول في بنت
على روس اصابعها تمشي
كلامها حلو ولذيذ
وحديثها للروح يشفي
في حب وفي تفاهم
وانسجام ولقيت نفسي
شرطها متل الفريك ما
تحب معها ضره وشريك
انت اديبة و حبابة لكن باردة و خجولة في مخدعي
وانا بصراحه رجال ومحتاج
عيش و نعنش نفسي
ضحكت وبكيت ونوبات
صراخ . ونفًس عن صدري
من بعد عشرين سنه زواج
بده ياني بنت خمسة
زوجي تعرف على بنت
بالفيس فرفوشة و نغشه
يا ترى اين العيب في الطبخ
امً في التهذيب وكرشي
فنيت العمر بخدمة الولاد
والزوج ونسيت نفسي
نصيحه لكل زوجة . في
زوجك اهتمي ولا تهملي
ارضيه في المخدع وفي الباب استقبلي و ودعي
سمعية الكلام المعسول
و امدحي فيه وانفشي
الرجال طفل و سلطان
بحب الدلال لا تهملي
الرجال متل الحليب عم
يغلي في دقيقة بفور ويرغي
ان حكا قعدي واعطيه
ادنك وان صرخ ابتسمي
الدنيا متل تشنج البطن
نعناع مع كمون تمشي
وماهو عيب دلال الرجال
حلالك وكتاب رباني وشرعي
الرجال ستر و غطا وامان
ورفيق درب و كلللل شي
الحياة مو مطبخ وترتيب بيت
.افردي وجهك . و ابتسمي
الموضوع انسجام و مصارحة
وتفاهم وكلام ناعم رومنسي
كلام يسر القلب وعتاب
خفيف هادي. يثمر ويهدي
اخ فقير يقدم النصح الى اخته حتى الحياة تمشي
[ انسجام وخشية الرحمان ]
الشاعر : د فهد المحمد الثاني
ليست هناك تعليقات:
إرسال تعليق