على مدد الشوف
وحب الخير والمعروف
والطيبه ف بلدي
شمس من غير كسوف
تمشي ف الشارع
وتصلي ف الجامع
واخد الكل ف حضني
القلب ف اساه دامع
والوجع والشقا يا لطيف
وعند ماكينه الطحين
ومولد الشيخ مشرف
تلاقي الناس الطيبين
أهل الذكر والشرف
بيمدحو نبينا والفرحه تغطينا
وحلاوه المولد ف أدينا
واللعب ع المراجيح
وساعات تهب الريح
والجو حلو مريح
وننسى الوجع و الأنين
ونبقى ايد واحده
وف المساجد الناس ساجده
والعصبيه بين العيل متباعده
ويجمعنا الحب من غير خوف
ونتبادل الزيارات
الحاجر ما تخلا من الكرامات
وسيدي أبو جاد بالذات
ويامحلا صلاه التراويح
بحب مسجد الشيخ عيسى
المصلين ف حب وتفاريح
والخير موجود لسه
والشيخ محمد والشيخ عماد
ويدعي الشيخ فرج
بالبركه والفرج
واحلق بخيالي السرج
والحاجر تكون احسن البلاد
ويا رب اعيش واشوف
مولد الشيخ مشرف...
عبدالله رجب ابوعدنان
ليست هناك تعليقات:
إرسال تعليق