( سوريه )
سوريه لوحه مزينه بأشجارها
ونال السعد كل من قصدها وزارها
سوريه فيها كل أسرار الطبيعه
والكل حابب يكتشف أسرارها
الكنز بسوريه بأرضها وجبالها
وبترول دافق مختبي برمالها
وفيها بحر حاوي عامرجان ودرر
وقلاع تحكي عن تاريخ أجيالها
فيها الحضاره والثقافه والأدب
فيها لسان الضاد لكل العرب
وكل الطوائف عايشي فيها بسلام
وحب وتأخي بين أفراد الشعب
ياما على ارضى تعاقب حضارات
ودلت عليها بالحقيقه إشارات
منها الي باقي ومنها بالفعل اندثر
وقامت بداله بالحداثه عمارات
واليوم من بعدهم فيها سكنا
وغالي علينا كثير تربة وطنا
ومجد نبنا إلنا بالدم إنكتب
ويا حيف صار الحلو مر بزمنا
من ظيم أهل الجور والي سندهم
من أهل البلد ياحيف باعو بلدهم
نحنا بنينا بلاد لنعيش بسلام
دمروها رغم قلة عددهم
من بعد عشر سنين حرب وإقتتال
مع شعبنا والجيش خسرو بالنزال
شعلو محاصيل القمح والغابه
وياما إنصرف على الخراب أموال
الغرب ناوي عابلدنا يخربوا
صنع سلاح وفينا بدو يجربوا
نص الشباب بالمعمعه اتقتلت
والنص الثاني عن أهلن تغربوا
شو صار فيكي يا سوريه قولي
ذاويه من إلي جرى مخجولي
من رجال نالت بالبطوله أوسمه
حتى عالأستقلال انتي تنولي
واليوم أصبحنا غرب ببلادنا
وعلى البطاقه قننوا موادنا
وما عاد في إلها طعمي
هالحياة
نحنا كبرنا وتهجروا ولادنا
ما عاد إلنا غير التضرع والدعا
ورحلة هالعمر صار بدنا نودعا
يالله تجمع شملنا تالي الزمان
والعيل الي فرقوها تجمعا
.......
بقلمي
سعيد حامد صعب
13/3/2022
ليست هناك تعليقات:
إرسال تعليق