عارف من امتى عشقتك
من أول يوم ما عرفتك
عارف من يوم ما عرفتك
وانا ميت فيك وبحبك
عارف بقيت إنسان
عايش على طول فرحان
وبنام وبقوم على سيرتك
عارف من امتى عشقتك
عارف بقيت مش عارف
فى الدنيا دى حد آه غيرك
عارف بقيت مش شايف
بعيونى حد آه غيرك
عارف بقيت حاجه تانيه
وبقيت احب الدنيا
وياريت من بدرى قابلتك
عارف من امتى عشقتك
عارف لو يوم هتسيبنى
روحى هياخدها هواك
عارف لو يوم آه نسيتنى
ابدا مقدرش انساك
وهعيش لك بكره وبعده
وقلبى معاك على وعده
وهعيش وهموت على حبك
عارف من امتى عشقتك
أيمن نوفل
ليست هناك تعليقات:
إرسال تعليق