مراجل
حنا أبطال المجد رسملنا
التاريخ سجل صفحتو عنا
حنا مراجل والفكر لهاب
العز براياتنا تغنى
نكتب قصائد نلحن الكلمات
وصوت الربابه الكل سمعنا
وسيوفنا عانار مسقولات
وبإيدين من صخر الجبل شلنا
تشهد لنا الساحات والحملات
بميدان خيل العز تسجلنا
فلفش الماضي وقلب الصفحات
بتشوفنا بظهور مظمرات
والف حساب بينحسب النا
....................
حنا الأماني نصونها طول العمر
وإن اكرهونا عالموت ما منبيع
ما ضيعتنا بالهوى لمعة شَعر
وبلحض عين الجارحه ما نضيع
ما مَيَلَتْ قلوبنا ميلت خصر
ولا حمرة شفاه ولا نعومة نيع
شربنا دم المعتدي بدل الخمر
وبجلساتنا ما بيحضر الوضيع
يا سامعين الصوت منلبي الأمر
بساح المنايا منشتري ومنبيع
بصدورنا إيمان بفل الصخر
والصبر معجون بمر الصبر
حتى يسلم من الأذى الشرف الرفيع
يسرى برجاس
سوريا. القنيطرة
.jpeg)
ليست هناك تعليقات:
إرسال تعليق