مبارح عشيّة وعيت نص الليل - - - بين واعي وبين مش واعي
والليل عنّو غاب نجم سهيل - - - وشفت الفضا بنورو عم يداعي
ومارد ظهر قدّام عينيي - - - اسود وانتي بحرمتو كنتي
ظهرتي بعيون مسمّره فيي - - - وما كنت صدّق شايفك انتي
الجسم الطري ما بيرتدي هاللون - - - ولا بيحلم ببدلات مسودّة
بقلّك بعكس العاطفة والعون - - - يا ناقلة هالقلب من حدّي
يا عقرب الايام وقّف هون - - - وانتي عرفتي شو بعد بدّي
لولا هبط عالكون برج الكون - - - وباقي انا مش لازم تحدّي
لا تلبسي الاسود بلا اسباب - - - انتي ربيعك للابد نامي
قومي البسي هالاحمر الجذّاب - - - وعودي بقلب الزنبقة نامي
عامين انتي صابغة البدلات - - - الاحمر الزيتي الزهر والبنّي
مدري على اموات حب الذّات - - - يما عا شاعر بطّل يغنّي
يما عا شهوة الشوق فيها مات - - - وتا تخبّريني بتستحي منّي ...... .... ........... . رجا نصر .....
ليست هناك تعليقات:
إرسال تعليق