............شاعر واثني عزوتي...........
قم ياقلم سجل حروف بترتيب
واخبر بها من ذمنا بالغيابه
حنا بني معروف كسابة الطيب
تشهد لنا العدوان قبل القرابه
حنا أهل المواقف وقت المواجيب
تاريخنا من عصر دور الصحابه
حنا هل التقدير بين اﻷجانيب
وعند الدول نحضى بقدر ومهابه
حنا لو هلت دموع رعابيب
نقدم على حفرات الموت ما نهابه
حنا لو صار حقوق ومطاليب
ناخذ وﻻ نؤخذ بيوم الطﻻبه
حنا لو تعكر صافي المشاريب
نطفي ضما العطشان مثل السحابه
حنا لو كشر عن انيابه الذيب
ما نحسب حساب لجموع الذيابه
حنا هل الخيل عطب المضاريب
وعدونا بالوغى ينزف صوابه
حنا لو صاح الصايح له نجيب
وصغيرنا بالساح يحسب حسابه
حنا لضيف الجار عز ومعازيب
وانجود بالموجود ساعة غيابه
حنا سيوف الحق بين اﻷصاحيب
وتزداد فينا بالشدايد صﻻبه
حنا وهبنا عالم السر والغيب
شجاعة ن ما هي لكل ﻻبه
ومحشومين اهالينا عن العيب
أفعالهم بالمجد حافل كتابه
أقولها بدون شك ن وﻻريب
شاعر واثني عزوتي بالنيابه
....ابو رجى....
ليست هناك تعليقات:
إرسال تعليق