((بين الواقع والخيال))
بقلمي ((منى شحاتة))
جمهورية مصر العربية
مين ادي أنا
مين زيي أنا
ياسعدي أنا
باللي حبيته
بقالي كام سنه
بحلم بيه أنا
وخلاص أنا لاقيته
ياريت تبركولي
وتيجوا تهنوني.
وتفرحوا معايا
خلاص أنا أخترت
من بعد ما دورت
وللزيف كتير شفت
وبعدها يئست
وكنت خلاص قفلت
كل باب عندي
لاقيت نفسي فتحت
من غير ما أعرف بجد
إزاي أنا قدرت
فتحتله ودخلت
مش مصدقة نفسي
أخيراً مركبي ع الشط راح ترسي
من بعد ما توهت
وكنت خلاص غرقت
جه مدلي إيده
وشدني ليه
لاقتني ف حضنه
وبكل حنية طبطب
أوي عليا
وهمسلي وقالي
أهدي كده شويه
أنا كنت زمان
غرقان كده زيك.
رماني الموج ليكي
بصيت ف عينيك
شدتني أوي...
ليكي
ربي قالي دي
نعمه بعتهلك
صونها ياواد
واحفظها هتلاقي
الخير... جالك
مددتلك ايديا
وشديتك ليا
أنتي هنا ف
حضني وروحي ...
وعنيه
راح اشيلك ف
نن العين ياأحلى
هدية
بعتها ربنا ليا
تفتكروا ده كان
حلم ولاعلم ..
ممكن تقولولي
بصراحه أنا
زهقت
بصوا لعيوني...
فاتحه ولا
مغمضه عيني
عن الحقيقة
خايفه أكون
نايمة واصحى
على... كابوس
والأقي أقلام
معلمه على وشي
ورجلين علي
قلبي... تدوس
وأفوق على
صدمة ودرس
جديد كفاية بجد
تعبت... دروس
لا لا بلاش
خالص ياقلبي
أقفل بابك عليك
خليك كده
أحسن خليك ...
خليك كده
محبوس
.jpeg)
ليست هناك تعليقات:
إرسال تعليق