ديك واحد.
عبدالله رجب ابوعدنان
ديك لم كل البلالين
واقف فوق كرسي متين
مصنوع من دم
الحياره والسهاره
والمطبلتيه والبني ادمين
ف عشه كبيره
والجموع غفيره
وفراخ بكيره
وقف يخطب ويندد
وبكل قوه يهدد
ولصفاته الحلوه يعدد
والتصقيف من الحاضرين
انا اللي عملتكو قيمه
كانت نيتي سليمه
وفتحتلكو مسرح وسيما
ومفيش حتى متشكرين
انا الديك الواحد
ذكري دايما خالد
بفكر بدالكو واحاول
وعلشانكو بجاهد
وشايل م الحمل حملين
وكان الحرس رافعين الريش
اللي يقدم فروض الطاعة والبقشيش
واللي ف جعبته حشيش
واللي بيدن يعيش
الديك يعيش
انا معاكم لحد ما اموت
وبعد ما اموت راح اعيش
واملا الكون حب وتفاريح
واغرق العشش بسجون الحرافيش
ومحدش يقولي علشان لقمة العيش
لازم نرضخ ونستكين
ليست هناك تعليقات:
إرسال تعليق