حكاية صياد --- كلمات الشاعر احمد جابر سويلم
شال شباكه ع البحر يمشى
فاته ليل فى شتاه منامشى
برد رعد قال لرزقى همشى
ويا اول طله للبدر لشباكه برمى
سم اسم الله وبقلبه نادى
انت سندى وبيك رزقى يكونلى
شد فى شباكة وابتدى فيها يطلع
بص لاقى خير مليها من جوا
عينه بصت للسما تشكر وبكل قوه
شال حمولته وعلى البيت مروح
دق بابه ابنه شافه قام ينادى لامه
زوجته شافت رزق مالى شكارته
شال شويه وقال دول يرحو لجيرانا
زوجته قالت لزوجها حاضر من عنيا
واتملت حله للجار خدو منى الهديه
فارحة طلت من جارتها بدعوه حلوه
جارها قال لزوجته اشوى للاولاد شويه
وابتدت تنظيف فى السمك وكان مفاجئه
شيء غريب فى سمكه جواها بلمع
زوجها شافوا شالو ولجاروا راحلو
فص الماظ جو سمكه وادا رزقك انت
رد قاله داحلالك ومش نصيبنا
رب رايده ليك رزق من عنده باعته
بعد لحظة زوجة الصياد ناداتلوا
السمك جوا باطنه حجات بتضوى
دمعة نزلت من عنيه وطى ساجد
فى الارض يدعى ويشكر ربه
القناعة والستر عند اللى حابه ربه
الغنى ندعى يزيده ربه بخيره وبشره
هو عالم بعباده والسعاده للى حبه ربه
.jpeg)
ليست هناك تعليقات:
إرسال تعليق